Хөвсгөл аймгийн Хөдөлмөр , халамжийн үйлчилгээний газар 2017 онд хэрэгжүүлэх Хөдөлмөр эрхлэлтийг дэмжих арга хэмжээний төсөл хөтөлбөрүүдийн нээлтийн үйл ажиллагааг 5-р сарын 28-нд Чингүнжавын талбайд амжилттай зохион байгууллаа.

Зорилго нь: Хөдөлмөр эрхлэлтийг дэмжих арга хэмжээний хөтөлбөрүүдийн танилцуулгыг иргэдэд сурталчлах, хөтөлбөрт хамрагдах хүсэлтэй иргэдэд арга зүйн зөвлөмж өгөх, холбогдох гарын авлага , тараах материалаар хангах , иргэдийг идэвхитэй ажил хайгчаар бүртгэх, ажлын байрны зарыг иргэдэд хүргэх, ажилд зуучлах үйлчилгээг үзүүлэхэд оршино..

Тус нээлтэд Аймгийн Засаг дарга Л.Ганболд, Нийгмийн бодлогын хэлтсийн дарга Ж.Ганболд, Хөдөлмөр , халамжийн үйлчилгээний газрын дэд дарга Ж.Жавзанпагма, Эрүүл мэнд, Нийгмийн даатгалын хэлтсийн дарга Л.Юмжирдулам, Хүүхэд гэр бүлийн хэлтсийн дарга Ч.Дашбаяр, Мөрөн сумын Орлогч дарга Б.Батбаяр нар тэргүүтэй орон нутгийн удирдлагууд оролцлоо.

Нээлтийн үйл ажиллагаанд 200-аад иргэн оролцсоноос ажилд орох, хөдөлмөр эрхлэлтийн төсөл хөтөлбөрүүдэд хамрагдах хүсэлт гаргасан 85 иргэнийг бүртгэж, мэдээлэл зөвлөгөө өгч ажиллалаа.