Хөдөлмөр, халамжийн үйлчилгээний газраас 2019-2020 онуудад “Малчдын хөдөлмөр эрхлэлтийг дэмжих хөтөлбөр”-ийн малжуулах арга хэмжээнд хамрагдсан 25 залуу малчдыг мал маллагааны арга ажиллагаатай танилцах уулзалт сургалтанд 2020 оны 11-р сарын 3-наас 7-ны хооронд хамрууллаа.

Эрчимжсэн мал аж ахуйн зарим үүсгэл болох саалийн механикжсан ферм, цэвэр үүлдрийн өндөр ашиг шимтэй мал аж ахуйг эрхлэх, малын үүлдэр ,угсааг хэрхэн сайжруулах, нэгжээс авах ашиг шимийг нэмэгдүүлэх, малын тэжээлийг хэрхэн өөрсдийн нөхцөл боломжоор бага өртгөөр бэлтгэх, малыг хэрхэн эмчлэх зэрэг туршлагуудыг судаллаа. Мөн малаас гарах түүхий эдийг хэрхэн зөв зохистой бэлтгэх , түүнчлэн малын түүхий эдээр ямар ямар бүтээгдэхүүн хийгдэж эх орондоо төдийгүй дэлхийн зах зээлд худалдан борлуулагдаж буйг үзэж сонирхлоо. Эрдэмтэн багш нар болон мал зүйч нараас дээрх сэдвүүдээр онолын сургалтуудыг авлаа.